Жылнаама

20- Январь 1987 -жылы спортчу Кылычбек Саркарбаев туулган

Супер-Инфонун тандоосу боюнча “2012-жылдын супер спортчусу” Кылычбек Саркарбаев Өзгөн районундагы Куршаб айылында туулган.

Кикбокстун К-1 версиясы боюнча Дүйнө чемпиону, эрежесиз эр уруш боюнча Азиянын жана Евразиянын чемпиону, кикбокс, уруш түрүндөгү самбо жана ушу-саньда боюнча Кыргыз Республикасынын Спорт чебери Кылычбек Саркарбаев 2002-жылы Зафар Айдаров аттуу кикбоксчуну көрүп, спортко кызыгып калган. Ошондон тартып кикбокс менен машыгып баштаган. 2005-жылы "Мухаммед Умар" спорт клубунда машыгып, кикбокстон сырткары спорттун уруш түрүндөгү самбо, ушу-саньда түрлөрү менен ошол жерде таанышкан. Мына ошол спорт түрлөрү боюнча спорт сүйүүчүлөр арасында жана профессионалдык рингге 120дан ашык ирет чыккан. Анын 80 пайызы жеңиш менен аяктаган.