Жылнаама

16- Январь 2014 -жылы “Милан” Кларенс Зеедорфтун башкы машыктыруучу болгонун жарыялаган

Италиялык “Милан” футболдук клубу экс-футболчу Кларенс Зеедорфтун командага башкы машыктыруучу болуп дайындалганын жарыялаган. Себеби, “Милан” 2014-жылдын 13-январында башкы машыктыруучусу Массимилиано Аллегрини кызматтан айдаган.

Бразилиялык “Ботафого” клубунда ойноп жаткан голландиялык футболчу карьерасын жыйыштырып, дароо машыктыруучулукту баштаган. Келишимдин канча убакытка түзүлгөнү жана клуб ага машыктыруучулук кызматы үчүн канча каражат сунуштаганы белгисиз болгон.