Жылнаама

15- Март 2012 -жылы Саясат таануучу Нур Омаров каза болгон

Кыргызстандын Саясат таануучулар ассоциациясынын президенти, саясат таануучу Нур Омаров жүрөгү кармап каза болгон.

Саясий илимдердин кандидаты (2002-ж.), тарых илимдеринин доктору (2006-ж.), Кыргыз-Орус (Славян) университетинин профессору Нур Омаров 1966-жылы 2-октябрда Фрунзе шаарында туулган. 1983-жылы Кыргыз Мамлекеттик университетинин тарых факультетине тапшырган, 1984-жылы аскерге чакырылып, 1986-жылы аскерден келген соң кайра окуусун уланткан. 1990-жылы жогорку окуу жайды артыкчылык менен аяктап, эмгек жолун Кыргыз Республикасынын Илимдер академиясындагы Тарых институтунда баштаган.