Жылнаама

13- Апрель 1962 -жылы Эсептөө палатасынын мурдагы төрайымы Элмира Ибраимова туулган

Эсептөө палатасынын мурдагы төрайымы Элмира Ибраимова Фрунзеде туулган.

Жогорку билимдүү. 1984-жылы экономист, саясий экономиканы окутуучу адистиги боюнча М.В.Ломоносов атындагы Москва Мамлекеттик университетин (ММУ) аяктаган.

1993-1995-жылдары – Мамлекеттик башкаруу адистиги боюнча Массачусетс (Эмхерст, АКШ) университетинин стипендианты.

Эмгек ишмердүүлүгү:

1984-1986-жылдары Электрондук эсептөө машиналар заводунда Эксперименталдык цехтин экономисти, улук экономисти, Кураштыруу цехинин баштапкы комсомолдук уюмунун катчысы болгон.

1986-1991-жылдары Октябрь райондук комсомол комитетинде экинчи катчы.

1991-1996-жылдары Кыргыз Республикасынын Жогорку Кеңешинде каттар жана жарандарды кабыл алуу бөлүмүнүн консультанты, жалпы бөлүмдүн башчысынын орун басары, Жогорку Кеңештин аппаратынын жалпы бөлүмүнүн башчысы.

1994-1995-жылдары Кыргызстан үчүн “Курчап турган чөйрөнү коргоонун Улуттук планы” стратегиясын иштеп чыгуу боюнча EMTEN бөлүмүнүн кыска мөөнөттөгү консультанты.

1996-жыл, май-октябрь айлары Кыргыз Республикасынын Жогорку Кеңешинин Мыйзам чыгаруу жыйынында катчылыктын башчысы.

1996-1998-жылдары Кыргыз Республикасынын Эсептөө палатасында Кыргыз Республикасынын Жогорку Кеңешинин Мыйзам чыгаруу жыйынынан аудитор.

1998-1999-жылдары Кыргыз Республикасынын Президентинин Администрациясында Тышкы саясат бөлүмүнүн башчысынын орун басары.

1999-2001-жылдары БУУнун алдындагы Кыргыз Республикасынын туруктуу өкүлчүлүгүндө БУУ алдындагы Кыргыз Республикасынын туруктуу өкүлү, Кыргыз Республикасынын Толук жана ыйгарым укуктуу элчиси болгон.

2002-2003-жылдары Кыргыз Республикасынын Премьер-министринин аппаратынын алдындагы Айыл-чарба инвестициялар долбоорун даярдоо бөлүмүндө долбоордун координатору.

2003-2007-жылдары Кыргыз Республикасынын Коомчулукту өнүктүрүү жана инвенстициялоо агенттигинин аткаруучу директору.

2007-2008-жылдары Кыргыз Республикасынын Жогорку Кеңешинин депутаты.

2008-2009-жылдары Кыргыз Республикасынын Вице-премьер-мнистри.

2009-жылдын январында Кыргыз Республикасынын Вице-премьер-министри постунан отставкага кеткен.

2010-жылдын апрель-июль айлары Кыргыз Республикасынын Убактылуу Өкмөтүндө Кыргыз Республикасынын Убактылуу Өкмөтүнүн ММК жана коомчулук менен байланышуу, атайын сектор боюнча координатор.

2010-2012-жылдары Кыргыз Республикасынын Коомчулукту өнүктүрүү жана инвенстициялоо агенттигинин аткаруучу директору болгон.

2012-жылдын ноябрында Кыргыз Республикасынын Эсептөө палатасынын төрайымы болгон.

2016-жылдын март айында кызматтан кеткен.