Жылнаама

23- Июль 1989 -жылы Ырчы Гүлжигит Калыков төрөлгөн

Ырчы Гүлжигит Калыков Нарын облусунун Ат-Башы районунун Ак-Муз айылында төрөлгөн. Мектепти Чүй облусунун Сокулук районунда аяктаган. 2004-жылы 7-класста президенттик стипендия алып, “Поющий город” теледолбооруна катышып, финалга чыккан. Кийин Кыргыз мамлекеттик курулуш, транспорт жана архитектура университетинин экономикадагы прикладдык информатика факультетине тапшырган. Ошол эле маалда Мураталы Күрөңкеев атындагы музыкалык окуу жайында окуп, бирок өзүнө жогорку билим маанилүү деп чечип, ал окууну 2 жылдан кийин таштап койгон.

2010-жылдын июль айында продюсер Канат Култаевдин "5-баласы" болуп, аны менен 3 жылдык келишимдин негизинде иштеше баштаган. Гүлжигит алгач "Күттүм сени" аттуу ырды аткарып чыккан. 2011-жылы режиссёр Нурлан Разакуловдун “Сулуулар жана миллион” деген тасмасында башкы ролдордун бирин жараткан. 2012-жылы 14-январда Түркияда Кыргыз, Түркия, Азербайжан, Казакстан, Түркмөнстан жана Түндүк Кипр өлкөлөрү арасында өткөн "Евразия жылдызы" музыкалык сынагынын финалы болуп, Гүлжигит жеңүүчү деп табылган. 2012-жылдын июль айында КМКТАУну аяктаган. Ошол эле жылы ырчылык жаатында билимин тереңдетмекке Кыргыз улуттук консерваториясынын вокал бөлүмүнө тапшырган.