Жылнаама

15- Июнь 1959 -жылы Мамлекеттик ишмер Данияр Нарымбаев туулган

Мамлекеттик ишмер Данияр Нарымбаев Фрунзе шаарында төрөлгөн. Жогорку билимдүү. 1983-жылы Кыргыз мамлекеттик университетинин юридикалык факультетин аяктаган.

Иш тажрыйбасын Ички иштер министрлигинин инспектору катары баштап, укук коргоо органдарынын түрдүү тепкичтерин басып өткөн.

1995-2002-жылдары – Жогорку арбитраждык соттун төрагасы;

2002-жылы – Адилет министри;

2005-2006-жылдары – Президенттин Жогорку Кеңештеги өкүлү;

2010-2012-жылдары – Өкмөттүн, президенттин Жогорку Кеңештеги өкүлү;

2012-2015-жылдары – Президенттик аппараттын жетекчиси;

2015-жылы 22-июлда Д.Нарымбаевге "опузалап пара талап кылуу" жана "кызматтык ыйгарым укуктардан аша чабуу" беренелери боюнча айып тагылып, УКМКнын СИЗОсуна убактылуу камакка алынган. 2015-жылдын 27-ноябрында Биринчи Май райондук сотунун чечими менен Нарымбаев "алдамчылык" беренеси боюнча күнөөлүү деп табылып, 3 жылга эркинен ажыратылган. 2016-жылдын 29-декабрында Биринчи Май райондук соту Нарымбаевди шарттуу - мөөнөтүнөн мурда бошотуу боюнча ишти караган. Анда УКМКнын тергөө абагынын башчысынын орун басары Нарымбаевди бошотуу өтүнүчүн келтирген. Соттук коллегия ал өтүнүчтү канааттандырып, Данияр Нарымбаев сот залынан бошотулган.https://www.super.kg/kabar/news/191391/