Жылнаама

8- Июль 1963 -жылы Орусиялык театр жана кино актёру Дмитрий Певцов туулган

Орусиялык театр жана кино актёру Дмитрий Певцов Москвада туулган. 1985-жылы Певцов ГИТИСтин актёрдук факультетин аяктап, 1986-1987-жылдары армияда кызмат өтөгөн. Алгач театрда иштеп, тасма талаасына 1989-жылдан тартып аралаша баштаган. Алгачкы тартылган тасмалары "Мать", "Подземелье ведьм" болгон.

Дмитрий Певцов "Борис Годунов", "Турецкий гамбит", "Львиная доля" фильмдеринде жана "Королева Марго", "Графиня де Монсоро", "Остановка по требованию", "Гибель империи", "Бандитский Петербург" сыяктуу сериалдарда көрүнүктүү ролдорду аткарган.

Дмитрий Певцов 1995-жылы Орусиянын Эмгек сиңирген артисти наамын алса, 2001-жылы Орусиянын Эл артисти наамы ыйгарылган.