Жылнаама

4- Сентябрь 1974 -жылы америкалык "The Pussycat Dolls" тобунун мүчөсү Кармит Бачар туулган

Америкалык "The Pussycat Dolls" тобунун мүчөсү Кармит Бачар АКШнын Калифорния штатындагы Лос-Анжелес шаарында туулган. Кармиттин чыгармачылыкка аралашып калганына ата-энеси себепкер болгон. Анткени атасы бийчи, ал эми апасы бий сабагынан мугалим болгон.

Кармит 10 жашынан тартып гимнастика боюнча эл аралык мелдештерге катышып ийгиликтерге жетише баштаган. 1992-жылы олимпиадалык оюндардан 5-орунду багындырган. Андан соң АКШнын гимнастика боюнча курама командасынын мүчөсү болууга жетишкен. Мындан тышкары Кармит Лос-Анжелес шаарында Музыкалык академиядан билим алган. 1995-жылы "The Pussycat Dolls" тобу жаңы түзүлүп жатканда мүчө болуп кирген. Ал топтун эң аксакал солисткасы болуп саналат. Кармит “Царь скорпионов” деген киного тартылгандан тышкары Рикки Мартин, Жанет Жексондор менен турнеге чыгууга жетишкен ырчы.