"Кыздар", "Бензоколонка ханышасы" тасмасында башкы ролду жараткан Советтик актриса, РСФСРдин Эл артисти Надежда Румянцева Москвага жакын Жаворонки деген айылда туулган. Мектепти алтын медаль менен аяктап, Москвадагы Борбордук балдар театрына сынакка катышууну чечкен. Эң алгачкы жолу көрүүчүлөр Надежда Румянцева деген ысымды 1952-жылы “Жашоого бет ала...” деген фильмден угушкан. Ал эми 1957-жылы Оскар Уайлддын “Жылдыз бала” жомогунда эркек баланын ролун аткарган. Чыныгы популярдуулук актрисага “Кыздар” кинокомедиясынан кийин келген. “Бензоколонка ханышасы” деген фильмдеги ролу да актрисага ийгилик алып келген.