Жылнаама

13- Сентябрь 1969 -жылы Ырчы Асель Турдалиева туулган

Ырчы Асель Турдалиева Фрунзе (азыркы Бишкек) шаарында төрөлүп, 6 айлыгынан баштап Нарын облусунда чоң энесинин колунда өскөн. 8-классты аяктаган соң Муратаалы Куренкеев атындагы музыкалык училищеге тапшырган. Ташкенттеги театр искусство институтун бүтүрүп келип 1992-жылы "Куурчак" театрында актриса болуп иштеген.

Алгач сахнага "Жаз жамгыры" ыры менен чыккан. 1994-жылы Бек Борбиевдин "Бек" аталышындагы тобунда ырдап, 1995-1996-жылдары өзү "Асель Азия стайл" тобун түзүп, жалгыз иштей баштаган. 2000-жылдан баштап Б.Бейшеналиева атындагы искусство институтунда мугалим болуп иштеп, 2015-жылы кафедранын доцентти, сырттан окуу бөлүмүнүн башчысы болгон.

Асель Турдалиева 2007-жылы Кыргыз Республикасынын Президентинин ардак грамотасын, 2009-жылы Эмгек сиңирген артисти, 2012-жылы Маданияттын мыкы кызматкери наамдарынын ээси болгон.