СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Тамада, куудул, ырчы жана алпаруучу Жеңишбек Айтиев Ош облусуна караштуу Ноокат районундагы Кара-Таш айылында туулган. 9 бир туугандын эң кичүүсү. Жеңишбек Айтиев 11 жашында апасынан, 21 жашында атасынан айрылып, бир туугандары менен улуу агасынын колунда чоңоёт. Мектепти бүткөн соң Бишкекке техникумга келип, муздаткыч оңдоочунун окуусуна тапшырган. Бирок окуусун таштап, кийин ОшМУнун Искусство факультетин бүтүргөн. Ал куудулдук чыгармачылыгы тууралуу "Бир күнү эле бир тааныш бала келип: "Куудулдардын райондук конкурсу өтүп жатат. Жүрү, сени катыштырабыз" деп калды. Ошентип, мени даярдай башташты. Конкурс боло турган күн келгенде досторум жүз грамм аракты ичиришти да, сахнага чыгарып коюшту. Өмүрү сахнага чыкпасам да ичимдеги жүз граммдын күчү менен сүрдөбөй Борончу байкенин бир сатирасын айтып, биринчи орунду алгам. Ошондой баштап куудулдукка кызыгып, анекдот китептерди сатып алып окуй баштадым. Андан кийин областтык конкурстарга катышып, атүгүл, ушул өнөрүмдүн аркасы менен Бишкекке да келип кеткем", - деп эскерет. Ал куудулдуктан сырткары ырчылык өнөр менен дагы алектенип, эл арасында "Беш бармак", "Сүйдүм", "Ошко сапар", "Карагат" аттуу ырлары менен таанымал.
