Жылнаама

8- Декабрь 2012 -жылы кылмыштуу чөйрөнүн көрүнүктүү өкүлү Камчы Көлбаев камакка алынган

Бишкекке кылмыштуу чөйрөнүн көрүнүктүү өкүлү Камчы Көлбаевдин Дубайдан келгендиги маалым болгон. Ага "адам уурдоо", "мыйзамсыз курал-жарак сактоо, аны алып жүрүү" сыяктуу оор кылмыш беренелери боюнча айып тагылып, УКМКнын СИЗОсуна абакка алынып, тергөө иштери башталган.

2013-жылдын 18-октябрында Бишкек шаарынын Биринчи Май райондук соту Камчы Көлбаевди "акча талап кылуу" беренеси боюнча күнөөлүү деп таап, 5 жыл 6 айга эркинен ажыраткан. Кийин Көлбаевдин жактоочусу Сергей Манукян соттун чечимине макул эместигин билдирип, Бишкек шаардык сотуна кайрылган. Шаардык сот Көлбаевдин жаза мөөнөтүн 3 жылга чейин кыскарткан. Буга да макул болбогон айыпталуучунун жактоочусу Жогорку Сотко кайрылган.

Жогорку Сот 2014-жылдын май айында Камчы Көлбаевдин иши боюнча чыгарган Бишкек шаардык сотунун чечимин күчүндө калтырган. 2014-жылы 8-июнда Камчы Көлбаевдин жаза мөөнөтү аяктап, эркиндикке чыккан.