Жылнаама

2- Июль 1983 -жылы "Заманыбыздын супер алпаруучусу" Нурзат Токтосунова төрөлгөн

"Супер-Инфо" гезитинин тандоосу боюнча "Заманыбыздын супер алпаруучусу" наамынын ээси Нурзат Токтосунова Ысык-көл областынын Түп районундагы Ичкесуу айылында төрөлгөн. Мектепти ийгиликтүү аяктап, олимпиада жыйынтыгы менен Эл аралык Ататүрк-Алатоо университетине сынаксыз кабыл алынып, эл аралык мамилелер бөлүмүн окуп бүтүргөн. Кийин Б.Бейшеналиева атындагы искусство институтунун "Маданий ишмердүүлүк" факультетин аяктаган.

"Курманжан Датканын 200 жылдыгы", "Уркуя Салиеванын 100 жылдыгы", "Куйручуктун 145 жылдыгы", "Эгемендүүлүктүн 20 жылдыгы", "Исхак Раззаковдун 100 жылдыгы", "Ысык-Көлдө кадыр түн - 2010, 2011, 2012", "Супер-Инфо" гезити тарабынан уюштурулган "Супер концерт" ж.б. ушул сыяктуу көптөгөн иш-чараларды алып барган.