Жылнаама

10- Июль 1947 -жылы Орусиялык актёр Илья Олейников туулган

Орусиялык актёр, алпаруучу, ТЭФИ сыйлыгынын лауреаты (1996), Орусиянын Эл артисти (2001) Илья Олейников Кишинев шаарында жумушчунун үй-бүлөсүндө төрөлгөн. Ымыркай кезинен эле Ильянын ата-энеси баласынан мыкты аткаруучу чыгаарына көздөрү жеткен. Эс кирип баштагандан тарта Ильяга атайын музыка сабагынан берген мугалим жалдап окутушкан. Андан сырткары аккордеон жана кыякты өздөрү үйрөтүшкөн.

1970-жылдардан тарта ВИА-66 Саулдук оркестринде иштеген. 1980-жылдардын башталышында биринчи болуп юмордук номери менен телеэкрандан чыга баштайт. Юрий Стоянов менен 1991-жылы "Адамово яблоко" телекөрсөтүүсүн алып барып, 1993-жылы экөөлөп "Шаарча" аттуу жаңы телекөрсөтүүнүн үстүндө иштешкен.

2012-жылы июль айында Илья Олейников рак оорусуна чалдыкканы аныкталып, 2012-жылы 11-ноябрда 65 жаш курагында дүйнө салган.