Жылнаама

20- Декабрь 1958 -жылы V чакырылыштагы "Ата журт" фракциясынан Жогорку Кеңештин депутаты Надира Нарматова туулган

V чакырылыштагы "Ата журт" фракциясынан Жогорку Кеңештин депутаты Надира Нарматова Ош областынын Ноокат районунундагы Кыркол айылында туулган.

Жогорку билимдүү. 1980-жылы Кыргыз кыз-келиндер педагогикалык институтун, 1988-жылы Алматы шаарындагы Жогорку партиялык мектептин атайын курстарын, 1993-жылы Кыргыз мамлекеттик улуттук университетин бүтүргөн.

1975-1976-жылдары – Ноокат районундагы "Таң шооласы" комсомолдук жаштар бригадасынын оператору;

1980–1981-жылдары – К.Жакыпов атындагы орто мектептин мугалими;

1981-жылдан тарта комсомолдун Ноокат райондук комитетинин бөлүм башчысы, катчысы;

1983–1988-жылдары – ЛКЖСтин Алай РК катчысы, бөлүм башчысы;

1988–1989-жылдары – коммунисттик партиянын Алай райкомунун кадр боюнча бөлүмүнүн инструктору;

1989–1991-жылдары – эл депутаттарынын Алай райкеңешинин аткаруу комитетинин жооптуу катчысы, председателдин биринчи орун басары;

1991–1992-жылдары – партиянын Алай райкомунун уюштуруу бөлүмүнүн инструктору, катчысы, Алай районунун жер маселелери боюнча комитетинин инспектору;

1992–1994-жылдары – Алай районундагы Парманас атындагы орто мектептин директору;

1994–1995-жылдары – Алай райондук мамлекеттик администрация башчысынын орун басары;

1995–2002-жылдары – "Мөл Булак" ишканасынын жетекчиси;

2002–2010-жылдары – жеке менчик тигүү ишканасынын жетекчиси болгон.

Бир жолу Гүлчө айылдык кеңешинин жана эки ирет Алай райондук кеңешинин депутаттыгына шайланган.

2010-жылдын октябрында "Ата журт" саясий партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. 2010-жылдын ноябрынан 2011-жылдын ноябрына чейин Жогорку Кеңештин регламенти жана депутаттык этика боючнча комитетинин мүчөсү болгон, 2011-жылдын ноябрынан тарта Бюджет жана финансы боюнча комитеттин мүчөсү.

2014-жылдын 6-мартында "Ата журт" фракциясынан Жогорку Кеңештин Төрагасынын орун басары болуп шайланды.

Мамлекеттик кызматтын III класстагы мамлекеттик кеңешчиси.