Жылнаама

29- Июль 1954 -жылы Орусиялык композитор, продюссер Игорь Крутой туулган

Белгилүү орусиялык жана советтик композитор, Орусиянын эл артисти (1996), Украинанын эл артисти (2011), ОФнын эмгек сиңирген ишмери (1992), продюссер Игорь Крутой туулган. Игорь Крутой "Жаңы толкун", "Жылдын ыры", "Таңкы почта" проекттеринин продюссери болгон "АРС" продюссердик фирманын ээси. "Фабрика звёзд-4" сынагынын музыкалдык продюссери.

Игорь Крутой бала кезинде баян черткенди үйрөнүп, мектеп ансамбли менен сахнага чыгып жүргөн. Музыкалык мектепти бүткөн соң Кировограддык музыкалдык окуу жайына тапшырып, 1974-жылы аны артыкчылык менен аяктаган. 1979-жылы Николаев мамлекеттик педагогикалык институтунун дирижёр-хордук бөлүмүн бүтүргөн. Ошол эле убакта ресторандарда иштеп Александр Серов менен таанышып ага ыр жазып берчү.

1981-жылы Валентина Васильевна Толкунованын ансамблине алгач пианист болуп чакырылып, андан кийин башкаруучусу болгон.

Игорь Крутойго алгачкы ийгилик 1987-жылы "Мадонна" аттуу ыры менен келген.