Жылнаама

1- Октябрь 1970 -жылы 5-чакырылыштагы КСДП фракциясынан Жогорку Кеңештин депутаты Олег Домшенко туулган

V чакырылыштагы КСДП фракциясынан Жогорку Кеңештин депутаты Олег Домшенко Фрунзе шаарында туулган.

Жогорку билимдүү. 1993-жылы Фрунзе политехникалык институтун “инженер-куруучу” адистиги боюнча, 2009-жылы Кыргызстан эл аралык университетин, 2013-жылы И.Раззаков атындагы Кыргыз мамлекеттик техникалык университетинин Кызыл-Кыядагы Жаратылышты пайдалануу жана технология институтун "инженер-технолог" адистиги боюнча бүтүргөн.

1995-2000-жылдары “Волга” автозаводунун (Нижный Новгород ш.) Бишкек шаарындагы расмий дистрибьютору;

2000-2007-жылдары Бишкек шаарындагы “Зенит Строй” курулуш компаниясында эмгектенген;

2008-жылы “РусДизайн” ЖЧКсынын директору;

2008-жылы М.Күрөңкеев шайлоо округунан Бишкек шаардык кеңешине депутаттыкка талапкер болуп көрсөтүлгөн;

2010-жылдын октябрында Кыргызстан социал-демократиялык партиясынын тизмеси боюнча V чакырылыштагы Кыргыз Республикасынын Жогорку Кеңешинин депутаты болуп шайланган. Жогорку Кеңештин Отун-энергетика комплекси жана жер казынасын пайдалануу боюнча комитетинин төрагасынын орун басары.