Жылнаама

30- Март 1999 -жылы ырчы Аяна Касымова төрөлгөн

Интернет булактары аркылуу атактуулукту багындырган ырчы Аяна Касымова Бишкек шаарында 1999-жылы 30-мартта чыгармачыл адамдардын үй-бүлөсүндө төрөлгөн. Кичине кезинен музыка менен алектенип, 3 жашынан баштап "Ак Шоола" балдар хоруна барган. Кийин Бишкектеги №29-мектепте ошондой эле №6 Искусство мектебинде окуган. Анын алгачкы ырдаган видеолору апасынын демилгеси менен жүктөлгөн.

2014-жылы Аяна Касымова орусиялык "Артист" теледолбооруна катышып финалга чейин жеткен. Тилекке каршы, финалда аз гана добуш жетпей, жеңиш буюрбай калган. Ошол сынактан кийин кыргыз өлкөсүнө таанылып, интернет аркылуу таанылган дагы бир ырчы Айыма Айылчиева менен биргеликте "Атам менен энеме" ырын ырдаган. Жалил Сыдыковдун "Сүрөтүңө" ырын жаңыртып ырдаган.