Жылнаама

24- Апрель 2014 -жылы 40ка жакын маданият кызматкери бийликтин маданият тармагына жетиштүү көңүл бурбаганына нааразычылык билдирип өкмөт үйүнө өкүрүп барышкан

40ка жакын маданият кызматкери бийликтин маданият тармагына жетиштүү көңүл бурбаганына нааразычылык билдирип өкмөт үйүнө өкүрүп барышкан.

Аталган флешмоб “Кайран заман” деп аталган. Ага режиссёрлор Садык Шер-Нияз, Эрнест Абдыжапаров, "Дем" театрынын жигиттери, сүрөтчүлөр, жазуучулар, акындар катышты. Т.Абдумомунов атындагы Кыргыз драма театрынан алдына чогулган жоон топ өкүргөн боюнча Өкмөт үйүнүн алдына барып, анын алдында 1-2 мүнөт туруп, эч кимдин чыгышын күтпөй эле тарап кетишкен.

Казакстан, Орусия жана Түркиядагы кыргыз диаспораларынын өкүлдөрү ошол кездеги Маданият, маалымат жана туризм министри Камила Талиева катыша турган иш-чараларга бойкот жарыялап, өткөрүлө турган башка иш-чараларга аны чакыруудан баш тартышкан.

Диаспоралардын кайрылуусунда, Камила Талиевага болгон нааразычылык 3-майда Казакстандын борбору Астанада болуп өткөн "Ала-Тоо булбулу Токтогул" деген иш-чарадан улам келип чыккан. Бул иш-чара диаспора жана демөөрчүлөрдүн эсебинен өткөрүлүп, министр конок катары катышып келген. "Кыргызстанга келген соң К.Талиева иш-чараны министрлик уюштургандай билдирүүлөрдү таркатып жатат",- деп нааразы болушкан.