СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
1885-жылы 10-ноябрда Германияда дүйнөдөгү биринчи мотоцикл сыноодон өткөн. Аны немис инженерлери Готлиб Даймлер жана Вильгельм Майбах ойлоп тапкан. Айтмакчы, дүйнөдөгү ири автоунаа компаниялары аталаган ойлоп табуучулардын фамилияларынан аталган. Г.Даймлер жана В.Майбах дүйнөдөгү алгачкы карбюраторду (ички от алуунун өздүк кыймылдаткычын) иштеп чыгышып, аны жыгачтан жасалган шайтан арабага жайгаштырышкан. Анда кыймылдаткыч гана металлдан жасалган. Ошентип эки дөңгөлөктүү, педалын айландыруунун кажети жок болгон жаңы транспорт каражаты - мотоцикл пайда болгон. Андагы цилиндрдин көлөмү 100 сантиметр кубду түзүп, мотоциклге тигинен жайгаштырылган. Ойлоп табуучулардын бири Г.Даймлер бул транспорттун моторун дубалда илинүүчү саатка окшоштургандыктан "чоң атанын сааты" деген ат менен патенттеген. Мотоциклди биринчи болуп В.Майбах айдап көргөн. Ал саатына 12 чакырым ылдамдык менен 3 чакырымды басып өтүп, элдерди таң калтырган.
