Жылнаама

29- Ноябрь 2016 -жылы Бишкекте өрт чыгып, "Южный ковчег" чиркөөсү толугу менен күйүп кеткен

Бишкекте өрт чыгып, "Южный ковчег" чиркөөсү толугу менен күйүп кеткен. Өрттү өчүрүүгө 9 өрт өчүрүүчү унаа, 75 кызматкер тартылган. Өрт жалпысынан 1000 чарчы метрди чапчыган. Кырсык болгон жерге жакын жердеги мектеп имараты зыянга учурап, чиркөө толугу менен күйүп кеткен. 8 кабаттуу имараттын 4-кабатында "Рэфал" жеке менчик мектеби орун алган. Ал эми үстүнкү кабаттарда кеңселер жайгашкан.

Айта кетсек, өрт чыккан учурда мектепте жалпы 227 окуучу окуп жаткан. Алар өз учурунда имаратты таштап кетүүгө үлгүрүшкөн. Ал эми чиркөөнүн ичинде кароолчу менен администратор болгон. Тилсиз жоодон жабыркап, каза тапкандар болгон эмес.