СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
"Битлздин" бүткүл дүйнөлүк күнү. Бул күн майрам катары 2001-жылдан тарта ЮНЕСКОнун чечими менен белгиленип келет. Бул дата бекеринен тандалып алынган эмес, анткени, 1957-жылы 16-январда Англиянын Ливерпул шаарында "The Cavern" клубу ачылган. Жаш музыканттар Жон Леннон, Пол Маккартни жана Жорж Харрисон дал ушул клубдан атактуулукка карай сапарын башташкан. Бир нече жылдардан кийин алардын катарына "Битлздин" дагы бир мүчөсү Ринго Старр кошулган.
Ал эми 1964-жылы 16-январда америкалык журналдардын бири "Битлз" тобунун "I Want To Hold Your Hand" ырына хит-парадда 1-орунду берген. Топ түзүлгөндөн баштап 8 жыл бою курамы өзгөрбөй иштеген. Ушул убакыттын ичинде "Битлз" 13 ыр жыйнагын чыгарып, андагы ар бир ыр хитке айланган. Бүткүл дүйнөлүк атак-даңкка топ 1963-жылы "Please Please Me" деген ырынан соң жеткен.
"Битлз" дүйнөлүк музыканын өнүгүшүнө чоң салымын кошуп, бир катар белгилүү композиторлор жана аткаруучулар алардан үлгү алышкан. Ошондой эле бул топ үн жаздырууда жана клип тартууда башкалардан айырмаланып, жаңы ыкмаларды колдонушкан.
Бүгүнкү күндө "Битлз" "Rolling Stone" журналынын версиясы боюнча, бардык убактардагы улуу аткаруучулардын тизмесинде биринчи орунду ээлейт. Жыл сайын 16-январда атактуу топтун урматына ар кандай эскерүү иш-чаралары, анын ырларынын кавер-концерттери өткөрүлүп турат.
