Жылнаама

19- Март 1967 -жылы мурдагы вице-премьер Жеңиш Разаков туулган

Разаков Жеңиш Парпиевич 1967-жылдын 19-мартында Ош облусунун Кызыл-Кыя шаарында туулган.

Билими жогорку. 1990-жылы маршал Д.Ф.Устинов атындагы механикалык институттун колдонмо механика жана автоматика факультетин аяктаган. 1997-жылы ИИМдин Республикалык окуу борборун аяктаган. 2002-жылы КММУ юридикалык факультетин (сырттан окуу бөлүмү) аяктаган.

Эмгек жолу:

Эмгек жолун Кызыл-Кыя шаарындагы "Алай" машина куруу заводунда мастер болуп иштөөдөн баштаган. Аталган заводдун өндүрүш цехинин начальнигинин орун басары, начальниги кызматын аркалаган.

1996-жылдан тарта – ички иштер органдарынын кызматкери.

2000-жылы Баткен райондук ички иштер органынын экономикалык кылмыштарга каршы күрөшүү тобунун ыкчам өкүлү болуп дайындалган. Андан соң ИИБ коомдук түзүлүштөр менен байланышуу бөлүмүнүн, ИИБ 9-бөлүмүнүн, ИИБ кылмыш иликтөө бөлүмүнүн начальниги, Баткен облустук ички иштер башкармалыгынын начальнигинин орун басары болгон.

2011-жылдын 15-апрелинен 2012-жылдын 1-февралына дейре Баткен облустук ички иштер башкармалыгынын начальниги.

2012-жылдын 1-февралында – Баткен облусунун мамлекеттик администрация жетекчисинин – губернаторунун милдетин аткаруучу болуп дайындалган.

2012-жылдан 2016-жылга чейин — Баткен облусундагы өкмөттүн ыйгарым укуктуу өкүлү;

2016-жылдын июнь айынан тартып 2017-жылдын октябрына чейин вице-премьер-министр;

2017-жылдын август айынан тартып октябрь айына чейин Коопсуздук кеңешинин катчысы;

2017-жылдын 26-октябрынан тартып президенттин кеңешчиси;

2018-жылдын 20-апрелинен тарта коопсуздук маселелери боюнча вице-премьер-министр.

Кошумча маалымат:

Милициянын полковниги.