Жылнаама

8- Октябрь 2018 -жылы Маданият, маалымат жана туризм министрлигинин мурдагы башчысы Султан Жумагулов каза болгон

2018-жылы 8-октябрга караган түнү маданият, маалымат жана туризм министри Султан Жумагулов узакка созулган оорудан улам 59 жашында мезгилсиз дүйнө салган.

Жумагулов Султан Жумагулович 1959-жылы 1-мартта Нарын облусунун Ат-Башы районунда туулган. 1980-жылдары Кыргыз мамлекеттик университетинин журналистика факультетин аяктаган.

1991-1993-жылдары "Эркин-Тоо" гезитинин башкы редакторунун орун басары;

1993-1995-жылдары "Kyrgyzstan Chronikle" гезитинде баяндамачы;

1995-2000-жылдары "Асаба" гезитинин баяндамачысы;

2000-2009-жылдары ВВС Британ радиосунун кыргыз кызматында кабарчы жана улук кабарчы болуп эмгектенген;

2009-2010-жылдары президенттин катчылыгынын аналитикалык кызматын жетектеген;

2010-2013-жылдары "Азаттык-Медиа" мекемесинин Бишкектеги кеңсесинин директору;

2013-2014-жылдары ЭлТР коомдук телерадиокомпаниясынын башкы директору болуп иштеген;

2014-жылдын 1-августунан баштап КТРКнын башкы директорунун милдетин аткаруучу;

2014-жылдын 23-ноябрында КТРКнын башкы директорлугуна дайындалган;

2015-жылдын 6-февралында КТРКнын башкы директорлугунан бошотулган;

2017-2018-жылдары маданият, маалымат жана туризм министри болуп иштеген.