Жылнаама

23- Ноябрь 1978 -жылы Депутат Эльвира Сурабалдиева төрөлгөн

Сурабалдиева Эльвира Жыргалбековна 1978-жылдын 23-ноябрында Фрунзе шаарында туулган.

Жогорку билимдүү. 2000-жылы Ж.Баласагын атындагы Кыргыз улуттук университетин "эл аралык байланыштар" адистиги боюнча, 2003-жылы Улуу Британиянын Бристолдук университетинин "эл аралык байланыштар" адистиги боюнча бүтүргөн.

Эмгек жолун 2003-жылдын октябрь айынан баштап "Кыргызстан ишкерлер союзунун" аткаруучу директору болуп иштөө менен баштаган.

2004-2006-жылдары Социалдык фонддун тышкы байланыштар жана маалыматтар бөлүмүнүн башкы адиси, бөлүм башчысынын орун басары, бөлүм башчысы кызматтарын аркалаган.

2006-жылдын октябрь айынан баштап 2015-жылдын август айына чейин "Кудайберген" автоунаа базарынын башкы директору болуп иштеген.

2015-жылдын 4-октябрында КСДПнын тизмеси боюнча VI чакырылыштагы Жогорку Кенештин депутаты болуп шайланган.