16- Декабрь 1988 -жылы
корей актёру Пак Со Жун төрөлгөн
Түштүк кореялык актёр Пак Со Жун 1988-жылы 16-декабрда төрөлгөн. Ал өз талантын эң биринчи 2011-жылы тасма талаасынан көрсөткөн. 2015-жылы 4 долбоор менен бир учурда иштеп, алардын ичинен 2 сериалда баш каармандын ролун жараткан. Актёр Түштүк Кореяда атактуулардын катарын толуктаганы менен, ал жөнүндө маалымат аз. Алгач экранга 2011-жылы "Мыкты оюн" тасмасына тартылуу менен чыккан. Ал үчүн адамдагы сырткы сулуулук, албетте, маанилүү, бирок жан дүйнөнүн сулуулугу андан дагы маанилүүрөөк.
Жылдыздын карьерасы "Бийик кыялдар" сериалынын 2-сезонуна тартылуу менен башталган. Ушундан тарта келишимдүү жигитке экрандан көрүп ашык болгондор миңдеп санала баштайт. Алгач экинчи пландагы ролдорду ийине жеткире аткарып келсе, 2014-жылы "Жез кемпирдин акыркы махабаты" романтикалык сериалында баш каармандын образын жараткан.
"Жез кемпирдин махабатына" тартылгандан кийин 2015-жылы "Ал сулуу болчу" ("Она была красива") дорамасына тартылган. Анда "The Most" мода журналынын Нью-Йорктогу башкы кеңсесинен Кореядагы филиалын өнүктүрүү максатында келген башкы редактордун ролун ойнойт. Мекенине кайтуу менен ал кичинекей кезинде жароокерлиги менен жүрөгүн багынтып алган алгачкы сүйүүсү - татынакай Ким Хе Чжин менен жолугууну максат кылат.
Пак Со Жун корей тасмаларынын да көркүн чыгарып келет. 2015-жылы актёрдун катышуусундагы толук форматтагы 2 фильм жарыкка чыккан.
"Жамандыктын сактоочулары" тасмасында киши өлтүрүү боюнча кылмыштарды иликтеген детективдин образын жараткан.
2017-жыл актёр үчүн жемиштүү болуп, коомчулук тарабынан жакшы кабыл алынган "Өз тандоом үчүн күрөшөм" дорамасына жана "Жаш тартип коргоочулар" тасмасына тартылган.
2018-жылы Пак Со Жундун катышуусундагы "Мен эми сага жолугууга барам" тасмасы жана "Катчы Ми Сого эмне болду?" сериалы жарык көргөн.
2018-жылы жай айларында көрсөтүлгөн "Катчы Ким Ми Сого эмне болду?" аталышындагы комедиялык драмада баш каармандын ролун алган Пак Со Жун корей тасма легендалары Ким Тэ Ри, Ли Бёң Хёнду артта калтырып, жылдын эң сүйүктүү жылдыздарынын тизмесинин сап башынан орун алган.