Жылнаама

5- Февраль 1972 -жылы «Улуттук энергетикалык холдинг компаниясы» ААКнын башкармалыгынын төрагасы Айтмамат Назаров туулган

Жалал-Абад облусунун Сузак районунун Кара-Март айылында 1972-жылдын 5-февралында төрөлгөн. Ал 1994-жылы Кыргыз мамлекеттик университетин “экономист” адистиги боюнча бүтүргөн. Эмгек жолун 1994-жылы Жалал-Абад Коммерциялык институтунда окутуучу болуп иштөө менен баштаган. 1997-1998-жылдары Ош шаардык мэриясында башкы бухгалтер; 1998-2000-жылдары Жалал-Абад облусунун мамлекеттик администрациясында башкы адис; 2000-2001-жылдары Жалал-Абад облустук статистикалык комитетинин төрагасынын биринчи орун басары; 2001-2003-жылдары Жалал-Абад облусунун мамадминистрациясынын бөлүм башчысы; 2003-2004-жылдары Базар-Коргон районунун мамадминистрациясынын аким-башчысынын орун басары; 2004-2006-жылдары Базар-Коргон районунун мамадминистрациясынын аким-башчысынын биринчи орун басары; 2006-2007-жылдары Ош шаарындагы “Ак каz” (Арак заводу) ЖЧКсынын директору; 2007-2010-жылдары Кара-Балта шаарындагы “КСЗ” мамлекеттик ишканасынын директору; 2011-2012-жылдары Кара-Балта шаарындагы “Апроса” (Кара-Балта кант комбинаты) АКсынын башкы директорунун орун басары; 2012-2015-жылдары Шопоков шаарчасындагы “Bear Beer” (пиво кайнатуучу завод) ЖАКынын президенти, “КСДП” фракциясынан Кара-Балта шаарындагы шаардык кеңештин депутаты. 2016-жылдын 17-февралынан азыркы мезгилге чейин Жогорку Кеңештин депутаты. Үй-бүлөлүү, төрт баласы бар.