Жылнаама

13- Июнь 1993 -жылы Футбол боюнча Кыргыз курама командасынын жарым коргоочусу Кайрат Жыргалбек уулу төрөлгөн

Кыргыз курама командасынын жана "Дордой" футболдук клубунун жарым коргоочусу Кайрат Жыргалбек уулу 1193-жылдын 13-июнунда Бишкек шаарында төрөлгон. Алгачкы жолу "Топ-Лигада 2012-жылы "Абдыш Ата" футболдук клубунун катарында ойноп баштап, 2015-жылы "Дордой" командасына өткөн. Аталган клубдун курамында АФК Кубогунун тайпалык баскычында бир нече оюн өткөрүп, 2018-жылдын башында түркмөнстандык "Ахал" клубунун дарбазасына гол киргизгенге жетишкен.

"Дордойдун" катарында 1 жолу Кыргыз өлкөсүнүн чемпиондугун (2018), 3 жолу өлкө кубогун (2016, 2017, 2018) женип алган. Мындан сырткары 2014, 2015, 2016-жылдары Топ-Лиганын күмүш медалын тагынган.

Футбол боюнча Улуттук команданын жаштар курамында 6 беттеш өткөрүп, 2013-жылы негизги курамда Беларуска каршы жолдоштук беттеште дебют жасаган. Алгачкы жолу 2014-жылдын сентябрь айында өткөн беттеште Казакстандын дарбазасына гол киргизген.

2019-жылдын башында Бириккен Араб Эмираттарында өткөн Азия Кубогуна катышып, Кыргыз өлкөсүнүн бардык оюндарында талаага чыккан.