Жылнаама

16- Июнь 1925 -жылы Крымда советтик “Артек” пионерлер лагери ачылган

Крымдын Гурзуф шаарчасында айтылуу советтик “Артек” пионерлер лагери ачылган. "Артек" деген ат ошол чөлкөмдөгү жердин аталышынан алынган. Улуу Ата Мекендик согуш жылдарында "Артек" Крымдан Сталинградга көчүрүлгөн. 1944-жылы Крым немистердин курчоосунан бошотулганда гана кайрадан мурунку жерине жайгашкан.

Эл аралык балдардын эс алуу лагерине Советтер Союзунун жана чет өлкөлүк балдар үчүн учурунда жолдомо алуу жогорку даражадагы сыйлык менен барабар болгон. Анткени Советтер Союзунун курамындагы мамлекеттер үчүн жылына ар бир райондон бир же эки гана өкүл жөнөтүлгөн. Алардын катарында дүйнөнү дүңгүрөткөн атактуу инсандар Леонид Брежнев, Юрий Гагарин, Индира Ганди, Никита Хрущёв, Джавахарлал Неру, Валентина Терешкова, Лев Яшин, Барак Обама, Юлия Тимошенко жана башкалар балалык доорунун бир бөлүгүн ушул жерде өткөрүшкөн.

СССР тарагандан кийин мурдагы эрежелер түп тамырынан бери өзгөрүп, чоң филиалдарды камтыган бул эс алуу борбору жеке жана мамлекеттик тармактарга бөлүнүп иш алып бара баштаган.