Жылнаама

17- Июнь 1963 -жылы Саясий ишмер Темир Сариев төрөлгөн

Саясий ишмер Темир Сариев Сокулук районунун Төш-Булак айылында төрөлгөн.

Билими – жогорку. 1989-жылы Кыргыз Мамлекеттик университетин экономист адистиги боюнча бүтүргөн. Кыргыз Республикасынын Жогорку кеңешинин 2- жана 3-чакырылышынын депутаты болуп шайланган.

Мамлекеттик кызматтын экинчи класстагы мамлекеттик кеңешчиси класстык чинине ээ. Үчүнчү даражадагы "Манас" Ордени менен сыйланган.

Эмгек ишмердүүлүгү:

1981-1983-жылдары Советтик Армиянын катарында кызмат өтөгөн;

1984-1985-жылдары Борбордук универмаг, жумушчу;

1985-1987-жылдары Аламүдүн тери фабрикасында экспедитор, экономист, улук экономист;

1987 – 1989-жж. Аламүдүн райондук райком комсомолунун жумушчу жаштар бөлүмүнүн башчысы;

1989-1990-жылдары Аламүдүн райондук партиялык комитетинин уюштуруу бөлүмүнүн инструктору;

1990-1991-жылдары Аламүдүн райондук аткаруу комитет төрагасынын орун басары, Аппарат жетекчиси;

1991-1995-жылдары Кыргыз товардык-сырье биржасынын президенти;

1995-2000-жылдары “Тотон” финансы өнөр-жай фирмасынын башкы директору;

2000-2005-жылдары Кыргыз Республикасынын Жогорку Кеңешинин депутаты;

2005-2007-жылдары Кыргыз Республикасынын Жогорку Кеңешинин депутаты;

04.2010-06.2010-жылдары Убактылуу Өкмөт төрагасынын орун басары, финансы министри;

2010-2011-жылдары "Акшумкар" саясий партиясынын төрагасы;

12.2011-04.2015-жылдары Экономика жана антимонополдук саясат министри;

2015-2016-жылдары Кыргыз Республикасынын премьер-министри.