Жылнаама

5- Октябрь 1975 -жылы Англиялык актриса Кейт Уинслет туулган

Англиялык актриса Кейт Уинслет Англиянын Рединг шаарында туулган. Кейт Уинслеттин толук аны-жөнү - Кетрин Элизабет Уинслет. Ал эми жашоодогу лакап аты - англиялык роза. Балалыгынан бери актриса болууга кызыккан Голливуддун супер жылдызы Лондондогу актёрлук мектептен билим алган.

Актёрдук карьерасын 1991-жылы англиялык телеканалдан баштаган. Ал алгачкы ролун 1994-жылы "Небесные создания" тасмасында жараткан. Ал эми актрисага атак алып келген "Титаник" тасмасындагы Розанын ролу болгон. Андан кийин "Перо маркиза де Сада", "Айрис", "Вечное сияние чистого разума", "Волшебная страна", "Как малые дети", "Чтец", "Дорога перемен" тасмаларына тартылган.

Кейт Уинслет "Чтец" филминдеги ролу үчүн "Оскар", BAFTA, "Алтын глобус", ал эми "Дорога перемен" тасмасындагы ролу үчүн "Алтын глобус", "Милдред Пирс" киносундагы жараткан образы үчүн "Алтын глобус", "Эмми" сыйлыктарына арзыган.