Жылнаама

16- Декабрь 1997 -жылы Япониялык "Покемон" мультфильмин телеканалдардан көрсөтүү учурунда бир маалда 685 баланын талмасы кармап, ооруканага жеткирилген

Япониялык "Покемон" мультфильминин 38-сериясы эң популярдуу болгон. Аны Япониядагы телеканалдардан көрсөтүү учурунда бир маалда 3 жаштан жогору жаштагы 685 баланын талмасы (эпилепсия) кармап, ооруканага жеткирилген. Ал окуя коомдо "Покемондордон шок" деген аталышка ээ болгон. Бул окуядан соң бул мультфильмди көрсөтүүгө тыюу салынып, бирок 1998-жылы 16-апрелде көрүүчүлөрдүн суранычы боюнча кайрадан көрсөтүлө баштаган.

38-сериянын сюжети боюнча, мультфильмдин каармандары компьютердин ичине киришип, коркунучтуу жандыктар-вирустар менен согушушат. Башкы каарман Пикачу электрдик жардыруу жасап, андан чыккан жаркыроодон улам мультфильмди көрүп жаткан балдардын баштары ооруп, көрүүсү начарлап, эпилепсиянын ар кандай белгилери байкалган.