Жылнаама

2- Январь 1952 -жылы коомдук-саясий ишмер Кубатбек Байболов туулган

Кыргыз Республикасынын Ички иштер жана сот системин реформациялоого салымын кошкон коомдук-саясий ишмер, Кыргыз Республикасынын экс-депутаты Кубатбек Байболов Аламүдүн районунун Чоң-Арык айылында туулган. 1977-жылы КМУнун тарых факультетин аяктап, 1983-жылы Ташкент шаарында Чалгындоо окуу жайын бүтүргөн. Андан кийин экономикалык жана юридикалык кесипке да ээ болгон. Жогорку Кеңештин үч чакырылышынын депутаты (1995, 2000, 2005-жылдар).

2009-жылы мартта үй-бүлөсү менен АКШга кетүүгө аргасыз болуп, Апрель окуясынан соң кайтып келген.

2010-жылдын май айынан сентябрга чейин УКМКнын төрагасынын биринчи орун басары, Жалал-Абад облусунун коменданты жана ички иштер министри.

2010-жылдын сентябрынан 2011-жылдын мартына чейин башкы прокурордун милдетин аткаруучу болуп турган.