Жылнаама

18- Июнь 1942 -жылы Англиялык ырчы, композитор жана сүрөтчү Пол Маккартни туулган

Айтылуу “Битлздин” өкүлү, англиялык ырчы, композитор жана сүрөтчү Пол Маккартни Англиянын Ливерпуль шаарында туулган. Бул топтун негиздөөчүлөрүнүн бири болгон музыкант коомчулукка эң мыкты бас-гитарист катары да таанымал. Бала кезинде жокчулуктун айынан кыйынчылыкты башынан көп кечирген. 14 жашында атасы ага эски чоорду белекке берген. Пол аны кийинчерээк акустикалык гитарага алмаштарган. Анын алгачкы чыгырмасы “Мен кичинекей кызымды жоготтум” дап аталган.

Пол Маккартни Жон Леннон, Жорджем Харрисон менен таанышып, 1960-жылдары Гамбургга барып, "Битлз" тобун негиздешкен.

1963-жылы 11-февралда Лондондо Маккартни жана Леннондун чыгармаларынын негизинде топтун дебюттук альбому жарык көргөн.

“Ал сизди сүйөт” аттуу композиция "Битлздин" атагын алыска тааныткан. 1963-жылдын 22-ноябрында топтун экинчи альбому чыккан. Пол Маккартни Рой Орбисон менен биргеликте “Менин бүтүндөй сүйүүм” чыгармасын жараткан.

Ырчылардын тобу 1965-жылы Британия империясынын орденине ээ болгон. Маккартни ушул эле жылы күйөрмандардын журөгүнөн түнөк тапкан "Кечээ" чыгармасын жараткан.

Битлздин атагы чыккан сайын анын артынан ар кандай ушак кептер коштоп жүргөн. 1966-жылы коомчулук арасында Пол Маакартни каза болуптур, анын ордуна ага окшош адам чыгып жатыптыр деген айың кептер тараган. Кийин 1969-жылы "Битлз" бул кептерди четке каккан.