Жылнаама

1- Октябрь 1912 -жылы орусиялык тарыхчы-этнограф, акын жана котормочу Лев Гумилёв туулган

Советтик жана орусиялык чыгыш таануучу, түрколог, тарыхчы, этнолог, географ, публицист, котормочу, тарых илимдеринин доктору, профессор Лев Гумилёв Орусиянын Царское Село кыштагында туулган. Атасы – белгилүү орус акыны Николай Степанович Гумилёв, энеси – тайлары жагынан түпкү теги татар болгон орустун дагы бир чыгаан акыны Анна Андреевна Ахматова (кыз кезиндеги тек аты - Горенко; 1889-1966).

Лев Гумилёв 1934-жылдан тартып Ленинград университетинин тарых факультетинде окуган. Ал 1944-жылы 13-октябрда Туруханск райаскеркомиссариаты аркылуу өз ыктыяры менен Улуу Ата мекендик согушка аттанган. Лев Гумилёв майданда жүрүп согуш темасында ырларды жазган.

Лев Гумилёв 1992-жылдын 15-июнунда Орусиянын Санкт-Петербург шаарында дүйнөдөн кайтып, анын сөөгү Петербургдагы Александр Невский лаврасы аттуу христиандардын православ кечилканасына караштуу Никольск көрүстөнүндө жерге берилген.