Жылнаама

24- Июнь 1987 -жылы Аргентиналык футболчу Лионель Месси туулган

Аргентиналык футболчу Лионель Месси Аргентинанын Росарио деген шаарында жумушчунун үй-бүлөсүндө төрөлгөн. Месси футболго 5 жашында келген. 1999-жылы Месси өзү жашаган шаардагы “Ньюэллзолд Бойз” командасына чакырылып, бир аз убакыттын ичинде командадагы эң мыкты оюнчу аталган.

2000-жылы 30-октябрда 13 жаштагы Лионель Месси “Барселона” жаштар командасына алынган. Месси негизги курам менен 2003-жылы “Порту” командасы менен болгон жолдоштук беттешүүдө ойногон. Ал эми расмий оюндарда ал 2004-жылдан тартып ойной баштаган. Анын алгачкы расмий оюну 2004-жылы “Эспаньола” командасы менен болуп, ал эми өзүнүн биринчи тобун 17 жашында 2005-жылы май айында “Альбасете” менен болгон беттеште киргизген.