Жылнаама

19- Октябрь 1978 -жылы Өзбекстандык мушкер Руслан Чагаев туулган

Өзбекстандык мушкер Руслан Чагаев Өзбекстандын күчтүү бокс мектеби бар Андижан шаарында туулуп-өскөн. Улуту – татар. Ал кубалык легендарлуу мушкер, 3 жолку Олимпиада чемпиону Феликс Савонду 2 ирет жеңип алган жалгыз бокс сүйүүчү болуп саналат (алгачкы жолу Савонду Руслан 1997-жылы жеңип, Дүйнө чемпиону аталган). Руслан профессионалдык бокско 1997-жылы аралашкан. Дүйнөлүк атак-даңкты 2007-жылы айтылуу Николай Валуевди жеңип, WBA версиясы боюнча Дүйнө чемпиону аталган беттеши алып берген. Мушташтарынын көбүн нокаут менен аяктап, стили Темир Майкка окшоп кеткендиктен, Ак Тайсон атка конгон.

Бокс сүйүүчүлөр арасында Азия жана Дүйнө чемпиону, профессионалдар арасында супер оор салмакта WBA версиясы боюнча 2007-2009-жылдары Дүйнө чемпиону Руслан Чагаев профессионалдык рингде 36 беттеш өткөрүп, 33ин жеңип алган (20син нокаут менен).