Жылнаама

11- Декабрь 1951 -жылы Композитор жана аткаруучу Шамшыбек Өтөбаев туулган

14 республикалык, 8 эл аралык сынак, фестивалдардын жеңүүчүсү, Кыргыз Республикасынын Маданиятына эмгек сиңирген ишмер, композитор жана аткаруучу Шамшыбек Өтөбаев Ноокендин Шыңсай айылында туулган. 2008-жылы "Кыргыз Республикасынын Эл артисти" наамына арзыган. Балалыгы айтылуу Чилмайран тоолорунда өткөн. Үйдүн тун уулу болгондуктан эрке, шок өскөн. Тентектигинин айынан колхоздун чөбүн өрттөп, чоң машинасын жүргүзүп жиберип тил уккан күндөрү да болгон.

Кийин республикада алгачкылардан болуп “Назик” эстрада тобун уюштурат. Андан көп өтпөй Чоро Кожомжаров жетектеген кыргыздын туңгуч эстрада тобуна солист болуп кирет. Көп өтпөй “Набат”, “Асем” деген топ түзүп, жетекчилик кылган. Бул топтор көптөгөн эл аралык жана республикалык сынак, фестивалдардын лауреаты жана жеңүүчүлөрү болгон. Кийин Ош пединститутуна мугалим болуп которулуп, “Назик” эстрадалык тобу менен 8 жылдын ичинде 12 жолу чет өлкөлөрдө кыргыз өнөрүн тартуулаган.

Анын аткаруусундагы “Таң сыры”, “Сары-Челек”, “Көл кечи”, “Кыргыз жери”, “Сен менин жазылбаган ырларымсың”, “Сага”, “Фрунзенин теректери” жана башка жүрөккө жеткен ырлары элге сиңип, эчак эле эл оозуна алынып, классикага айланган. Андан сырткары “Ат келет”, “Кутман жер”, “Алтын тумар”, “Атама”, “Өмүр - керемет”, “Кыялдагы мырзага”, “Кат жазчы мага”, “Дүрдана”, “Ата Журт” деген ырлары популярдуулугун жоготпой, профессионалдык жогорку деңгээлдеги ырлардын катарында өз ордун тапкан. Шамшыбек Өтөбаев 58 жаш курагында жүрөк оорусунан көз жумган. Анын артында 1 кызы, 5 уулу калган.

https://www.super.kg/kabar/news/212247/

11- Декабрь 1951 -жылы Композитор жана атка­руучу Шамшыбек Өтөбаев туулган

11- Декабрь 1951 -жылы Композитор жана аткаруучу Шамшыбек Өтөбаев туулган