Жылнаама

18- Декабрь 1963 -жылы америкалык актёр Брэд Питт туулган

Америкалык актёр Брэд Питт АКШнын Оклахома штатындагы Шавни шаарында туулган. Ал 80ден ашуун тасмага тартылган. Мисалга алсак: “Мистер жана миссис Смит”, “Вавилон”, “Оушендин 13 досу” ж.б. Брэд Питт “Оушендин 11 досу” (2001-жыл) тасмасында Растинин ролу үчүн 30 миллион доллар, “Троядагы” Ахиллестин образын жаратканы үчүн 18 миллион долларлуу болгон.

Брэд Питт баптисттердин үй-бүлөсүндө туулган. Атасы менеджер, апасы мугалим болгон. 1 жашында ымыркай Брэдди жергиликтүү телесериалга тартып кетишкен. Бирок Брэд өзү да, ата-энеси да андан атактуу актёр чыгарына ишенишкен эмес.

Мектепти бүткөндө Брэд 360 доллар менен Лос-Анжелеске аттанган. Жогорку окуу жайдын журналистика бөлүмүнө тапшырып, эптеп акча табуу үчүн ресторанга кирген. Ал жерде официант эмес, жөжөнүн кийимин кийген “жарнама-бала” болуп иштеген. Брэдди “Даллас” сериалынын продюсери көрүп калып, тасма талаасына чакырган. Чыныгы популярдуулук Питтке 10 жылга созулган атактуу “Достор” сериалынан кийин келген.