Жылнаама

15- Декабрь 1890 -жылы Индейлердин хункпапа уруусунун кол башчысы Татанка Ийотаке өлтүрүлгөн

Индейлердин хункпапа уруусунун кол башчысы Татанка Ийотаке (“Жерде отурган бука” деп которулат) өлтүрүлгөн. Татанка Ийотаке АКШнын куралдуу күчтөрүнө каршы чыккан түпкүлүктүү элдеринин башында турган.

Аны бала кезинде Хункешни (бошоң) деп аташкан. 14 жашында элдин душманына колу менен тийгени үчүн атасы ага ысым берген.

1876-жылы 25-июнда сиу жана шайенн индей уруулары биргеликте Татанка Ийотаке башчысы болуп генерал Кастердин кавалериясын талкалашкан. Бул окуядан кийин индейлерди кыра башташкан. Индейлер ар кайсы жакка качышып, Татанка Ийотаке уруусу менен Канадага кеткен. Бирок кайра 1881-жылы кайтып келип, колго тушүп берүүгө мажбур болгон. Ал Рэндэлл фортунда 3 жыл өткөрөт. Эркиндикке чыккан соң көтөрүлүшкө даярдык көргөн.

1890-жылы сиу уруусунда "Пляска духа" мессиандык культунун жактоочулары көбөйгөн. Уруу башчыларын камакка алуу чечими чыгып, камакка алуу маалында каршылык көрсөтүлүп, Татанка Ийотаке индей полициясынын сержанты Красный Томагавк тарабынан атылып өлтүрүлгөн.