Жылнаама

22- Январь 2008 -жылы австралиялык актёр Хитклифф Эндрю Лежер көз жумган

“Патриот”, “Баатырдын окуясы”, “Өркөчтүү тоо” тасмаларына катышкан австралиялык актёр Хитклифф Эндрю Лежердин жансыз денеси өзүнүн Нью-Йорктогу батиринде табылган. Актёрдун өлүмүнүн себеби дароо билинбей, атайын жүргүзүлгөн изилдөөлөрдө анын медициналык, наркотикалык ж.б. дары-дармектерден ууланып каза болгондугу белгилүү болгон. Актёрдун сөөгү өзүнүн мекени Австралияга жөнөтүлүп, кичи мекени Перт шаарында жерге берилген. Сүйүүктүү актёру менен коштошууга 500дөн ашуун анын күйөрмандары, кесиптештери келишкен.

Ал эми актёр тууралуу айта турган болсок, ал 1979-жылы 4-апрелде Австралиянын Перт шаарында төрөлгөн. Ал 1990-жылдары Австралияда актёр катары таанылып, өзүнүн чыгармачылыгын өнүктүрүү үчүн 1998-жылы АКШга көчүп келген. Голливудда ал 19дан ашуун тасмага тартылып, атактуулукка жеткен.

“Өркөчтүү тоо” тасмасындагы ролу үчүн 2005-жылы мыкты актёр катары Нью-Йорктогу кино сынчылардын атайын сыйлыгына ээ болгон. Ошол эле жылы ошол эле ролу үчүн "Оскарга" көрсөтүлүп, бирок ал сыйлыкка ээ болгон эмес. Бирок актёрдун көзү өткөндөн кийин, мыкты деңгээлде жараткан ролдору үчүн "Оскар" сыйлыгы ыйгарылган.