Жылнаама

7- Февраль 1985 -жылы орусиялык актёр Константин Крюков туулган

Орусиялык актёр Константин Крюков Москвада туулган. Константин Крюковдун апасы белгилүү орусиялык актриса Елена Сергеевна Бондарчук болгон, ошондой эле ал белгилүү советтик режиссёр жана актёр Сергей Фёдорович Бондарчуктун жана белгилүү актриса Ирина Константиновна Скобцеванын небереси.

Актёрдун бала чагы Швейцарияда өткөн. Чоң атасынын кеңеши менен Цюрихтеги көркөм сүрөт мектебине тапшырып, артыкчылык менен бүтүргөн.

Константин Крюков 18 жашынан баштап тасма талаасына аралашып, 2005-жылы “9 рота” тасмасында Жоконданын ролунда дебют жасаган. Кийин “Аптап” ("Жара"), "Жаңы жылыңар менен, апалар!" ("С новым годом, мамы!") жана башка тасмаларында роль жараткан.