12-февраль, 2010-жылы Ванкувердеги Олимпиада оюндарында машыгуу учурунда грузиялык чана тебүүчү Нодар Кумариташвили көз жумган

"Ванкувер-2010" Кышкы Олимпиадасында Уистлер чана-трассасында даярдык учурунда 21 жашар грузиялык Нодар Кумариташвили трассанын соңку имерилишинен чананы башкара албай калып, 140 чакырым/саат ылдамдык менен бетон тоскоолдукка урулган. Эсин жоготкон спортчу тезинен ооруканага жеткирилип, бирок доктурлар аны өлүмдөн арачалай алган эмес.