Жылнаама

6- Апрель 1896 -жылы Афиныда заманбап Олимпиада оюндарынын ачылышы болгон

XVIII кылымдын аяк ченинде гректердин Э.Цаппас аттуу көрүнүктүү адамы жаңы олимпиада оюндарынын жанданышына күч жумшап, 1859, 1870, 1889-жылдары олимпиадалык оюндарды өткөргөн. Бирок, уюштуруу иштери начар жүргөндүктөн, эл аралык мелдештердин деңгээлине жетпей калган. XIX кылымдын ортосунда жана аягында спорт оюндары дүйнөлүк деңгээлде өнүгө баштаган. Олимпияны да кызуу изилдөөгө өтүшкөн. 1894-жылы Парижде Франциянын коомдук ишмери Пьер де Кубертендин демилгеси менен эл аралык конгресс болуп, анда 12 өлкөнүн өкүлдөрү анын пикирин колдоп олимпиялык хартияны (олимпиада оюндарынын эрежеси) бекитишип, Эл аралык олимпиада комитетин (ЭОК) түзүшүп, төрт жылда бир өткөрүүнү чечишкен. Грециянын өкүлү Деметриус Викелас ошол комитеттин биринчи президенти болуп шайланган. Ошол эле учурда биринчи олимпиада оюндарын 1896-жылы Афина шаарында өткөрүү чечими кабыл алынган.

Олимпиада оюндары дүйнөдөгү ири спорттук иш-чара катары саналган. Кышкы жана жайкы болуп төрт жылда бир өтүүчү бул оюндар дүйнө элдерин ынтымакка жана биримдикке чакырууну максат кылган.

Афиныдагы алгачкы Олимпиадада байыркы доордогудай болуп бир да аял катышкан эмес. Бирок, убакыттын өтүшү менен эл аралык Олимпиада комитетинин президенти Олимпиадага катыша тургандардын 50 пайызын аялзаты түзөөрүнө ишенээрин айтып кеткен.