Жылнаама

3- Июнь 1876 -жылы советтик нейрохирург Николай Бурденко туулган

Советтик хирург, нейрохирургияга негиз салуучулардын бири, СССР ИАнын академиги (1939), СССР медициналык ИАнын академиги жана биринчи президенти, аскердик медицина кызматынын генерал-полковниги, Социалисттик Эмгектин Баатыры (1943) Николай Бурденко туулган. 1906-жылы Юрьев университетин бүтүргөн. 1910-жылдан тартып ошол эле университетте иштей баштаган.

Николай Бурденко борбордук жана четки нерв системинин хирургиясын клиникалык практикага биринчи киргизген, токтун пайда болуу себебин жана дарылоо жолдорун изилдеген, жүлүнгө операция кылууну сунуш кылган. Борбордук жана вегетативдик нерв системинин онкологиясы, мээнин кан айлануусу ж.б. боюнча да баалуу идеяларды киргизген. Ал нейрохирургдардын бөтөнчө мектебин түзгөн жана советтик саламаттык сактоо ишин уюштурууга активдүү катышкан.

Николай Бурденко 1946-жылы 11-ноябрда 70 жашында Москвада көз жумган.