Жылнаама

15- Июнь 1969 -жылы Германиялык футболдук дарбазачы Оливер Кан төрөлгөн

Футбол боюнча Германия курама командасынын мыкты дарбазачысы, Зепп Майердин окуучусу Оливер Кан Германиянын Карлсруэ шаарында төрөлгөн.

Оливер Кан 1993-жылы октябрда алгачкы жолу Германия командасынын курамына чакырылган. Бирок, 1994-жылы немис журналисттери аны "Жылдын мыкты дарбазачысы" деп тандагандыгына карабастан, дагы беш жыл бою ал запастагы дарбазачы ролуна канааттанып келген.

Оливердин карьерасындагы чоң өзгөрүү 1994 -жылга туура келген. Бул жылы ал "Карлсруэден" немистердин бардык мезгилдердеги күчтүү командасы - мюнхендик "Баварияга" өткөн. Айта кетчү нерсе, бул акциясы үчүн мюнхендик клуб "Карлсруэнин" банктык эсебине ал мезгилдеги эң чоң суммадагы акчаны - беш миллион марка которгон. Ошол замат Оливер мюнхендик клубдун көп жылдардан бери келе жаткан биринчи дарбазачысы Раймонд Ауманнды сүрүп чыгарган.

1995-жылы Оливер көптөн күткөн тилегине жеткен. Ага Швейцария жана Грузия курама командалары менен болгон эки матчта Германия курама командасынын дарбазасын коргоо милдети тагылган. Бирок, 1996-жылдагы Европа чемпиондугунда жана 1998-жылдагы дүйнө биринчилигинде ал кайрадан эле запаста отурууга аргасыз болгон. Курама командадан Анди Кёппке кеткенден кийин гана Оливер Кан №1 дарбазачы болуп калган.

Эң ири ийгиликтерине Оливер мюнхендик "Бавария" клубунун курамында жетишкен. Андан бери төрт жолу 1997, 1999, 2000 жана 2001-жылдары ал Германиянын чемпиону болгон. 1996-жылда болсо Оливер "Бавария" менен бирге УЕФА Кубогун жеңип алган. Ал эми 1996- жылы өлкөнүн Кубогунун ээси болгон. 1999-жылы Оливер Кан дүйнөнүн мыкты дарбазачысы деп табылган.