Өткөн суткада өлкө аймагында эки жер титирөө катталды

Өткөн суткада Кыргызстандын аймагында эки жер титирөө катталды. Бул тууралуу 10-февралда ӨКМнын басма сөз кызматы билдирди.

Илимдер академиясынын Сейсмология институтунун маалыматына караганда, 9-февралда саат 19:36да жер титирөө Ак-Булак айылынан чыгыш тарапка 5 чакырым, Эски-Ноокат айылынан түштүк чыгышка карай 10 чакырым жана Жаңы-Ноокат айылынан түштүк-чыгышка карай 15 чакырым аралыкта орун алган. Жер титирөөнүн күчү 2,5-3 баллга жеткен.

Экинчи жер титирөө 10-февралда саат 01:35те болгон. Зилзаланын очогу Күнгөй Ала-Тоонун түндүк жагы, Чолпон-Атадан түндүк-батышка 30 чакырым алыстыкта болду. Күчү 2 баллга жеткен жер титирөөдө кыйроолор жок.

Автор: Айпери Ганыжан кызы