Бишкекте бир ай мурун жөө жүрүүчүнү сүзүп, качып кеткен 19 жаштагы айдоочу кармалды

Борбор калаада бир ай мурун жөө жүрүүчүнү сүзүп, качып кеткен айдоочу кармалды. Бул тууралуу бүгүн, 11-февралда ИИМдин Жол-кайгуул кызматынан билдиришти.

Маалыматка ылайык, январь айынын ортолорунда Токтогул - Кулиев көчөлөрүнүн кесилишинен БМВ үлгүсүндөгү унаанын айдоочусу жөө адамды сүзүп, качып кеткен. Оор жаракаттарды алган жабырлануучу ооруканалардын бирине жаткырылган болчу. Жүргүзүлгөн иликтөө иштеринин алкагында аталган унаанын 19 жаштагы айдоочусу кармалды.

Автор: Мальвина Уметбекова