Эмки аптада борбор калаанын көчөлөрүндө мыйзамсыз илинген жарнамалардын баары алынат

Борбор калаанын көчөлөрүндө мыйзамсыз илинген жарнамалардын баары демонтаж болот. Бул тууралуу бүгүн, 13-февралда Бишкек мэриясынын Жарнама департаментинин директору Салия Борбиева билдирди.

“Азыркы тапта баш калааны көркөмдүк-эстетикалык жагынан калыбына келтирүү боюнча иш-аракеттер жүрүүдө. Жакынкы 5 күн аралыгында шаар ичинде мыйзамсыз илинген бардык көлөмдөгү жарнамалар алынмакчы. Келишим мөөнөтү аяктаган, жарнама илүүдөгү акылары төлөнбөгөн же карыздары бар жарнамалык билдирүүлөр да алынат”,- дейт С.Борбиева.

Автор: Мальвина Уметбекова
Фото: Мальвина Уметбекова