Өлкөнүн тоолуу аймактарында кар көчкү коркунучу жана кар күрткүсү күтүлөт

Өлкөнүн тоолуу аймактарында 20-февралга чейин күтүлүп жаткан катуу жаан-чачындарга байланыштуу Бишкек-Ош унаа жолунун 121-137 жана 198-265-чакырымдарында, Ош облусундагы Мырзаке - Кара-Кулжа - Алайкуу унаа жолунун 45-90 жана 145-150-чакырымдарында, Жалал-Абад облусундагы Ала-Бука - Каныш-Кыя унаа жолунун 62-100-чакырымдарында, Каракол - Эңилчек унаа жолунун 45-90-чакырымдарында, Казарман - Ак-Тал-Чат унаа жолунун 67-94-чакырымдарында кар көчкү коркунучу жана кар күрткүсү күтүлөт. Ага байланыштуу жолдор тайгак болуп, муз тоңот. Өзгөчө кырдаалдар министрлиги унаалардын ортосунда 500 метр аралык чектелиши зарыл экендигин эскертет.

Автор: Мальвина Уметбекова